Martxoak hamasei
astelehena; Egun itsa, euritsu eta goibel. Bigarren eguna etxean
isolaturik. Europa osoa kutsatzen ari da. Inork ez daki nola aurre
egin izurriteari. Ejertzitua kaleetan dago. Turistak aireportuetan
etxerako bidean. Irratia entzuten ari naiz, eta Alemaniak mugak itxi
ditu, Espainia gauza bera egitekotan dago. Mugak itxi eta gero zer?
Erresuma Batuak ez
ditu isolamendu neurririk hartu, izurritea hedatzen uztea erabaki du.
Ekonomiari lehentasuna emanez, gaixo larriak bertzerik ez ditu
kudeatuko. Azkenean ikusi beharko saiakuntzak ze emaitza ematen duen.
Albiste on bat ere
badugu. Felipe erregeak paradisu fiskal batean Juan Carlos bere aitak
bere izenean utzitako milioi zakuak, estatua jasaten ari den egoera
arintzeko dohaintza egin duela azken albistea da. Goizean Letizia
Felipen emaztea, Corina, Juan Carkos-en amorante izanarekin mintzatu
omen da; Juan Carlos-ek hain eskuzabal emandako 65 milioi euroak
Espainiako osasungintzara bideratzea erregu egin dio. Corinak
hausnartuko duela erantzun omen dio.
Isolamendua
jarraituko dut, bakar-bakarrik egoera surrealista honetan burmuina
xurgatuko dut, ea asmakizunak isurtzen zaizkidan. Bihar arte.
No hay comentarios:
Publicar un comentario