AGORRILA

Agorrila, abuztua, augustus, agosto, aout. Agorrilean dena da aisialdia; herriz herri bestak, dantzak eta merkatuak, estropadak eta su-ziriak zeruan. Turistak, kotxez, hegazkinez, bizikletaz, ohienez zakua bizkarrean, hirietako tabernak pintxo jaten inbadituz. Erdaraz (hacer el agosto) ez dakit badagoen euskaraz esaera bera, baina ongi profitatzen den hilabetea da nola nahi ere.

Roma boteretsua zen K.A 50an eta errepublika beherakadan. Errege bat nahi zuen herriak, eta Julio Cesar zen aukera gehien zituena. Lagunek saldu zuten, eta nabalez zulatu, zu ere bai Bruto?Gero sarri den bezala, inork uste ez zuenak irabazi zuen. Zenduaren iloba hemezortzi urteko mutila; Octabiano Turino, gero Cesar Augustus izenarekin ezagutuko zenak berrogei urtez inperioa gotor zuzendu zuen, errepublika zeinu guziak garbitu, eta bere burua Jinkotazt hartu zuen. Erromatarren lehendabiziko enperadorea izan zen; Augustus ( saindua, gurgarria) deitzea onartu zuen herriak, eta gustuko zuen ilabetearen izena eman.  Historian izan den diktadore arrakastatsuena izan zen, eta, horregatik ote urtero agorrila ospatzen dugula?