Urtero
bezala aurten ere Ilbeltza izanen da Baztanen, nobela beltzaren astea
18tik 22ra; idazle eta irakurle hainbat ekitalditan eginen dira
bildu.
“Nola
hil artearekin” izenburuarekin egin zuen Raimond Chandler-ek nobela
beltzaren gain bere tesia.
Nobela
Beltzaren ezaugarriak dira, bortizkeria, ustelkeria, sexu
gehiegikeriak, hilketa odoltsuak..., hondarreraino artearekin
misterioa eramanez burutuak.
Neskatikoa
bere ahizpa eta lehengusinarekin ari zen jostetan, etxe parean,
asfaltatu gabeko auzo batean. Arratsaldeko lauak aldera goi mailako
automobil batean gizon bat sartu zen auzoan, eta zazpi urteko
neskatto bat bahitu zuen. Ama haurdun, sabel handitua oihuka jarraitu
zion kotxeari, baina galdu zuen haren arrastoa. Bogotako alde hartan,
herri ttiki baten modura komunitatean bizi zen jende xeha etsipenean
atera zen neskatikoaren bila.
Luxozko
apartamentu batean aurkitu zuten neskatikoaren gorpua, drogatu,
bortxatu eta indarrez itoa “yacusi” batean. Ustezko
kriminala, Uribe-tar bat, berrogei urteko arkitektoa, aberatsa, eta
familia printzipaletakoa, alkohol eta heroinaz lepo atxilotua izan
da.
Egia
ez balitz... Sarritan errealitateak fikzioa gainditzen du.
No hay comentarios:
Publicar un comentario