Goizean hartu zuen gonbitea:
―Azterketen emaitzak hartu ditinat,
eta gutun azala ireki baino lehen, Sanferminetan egun on bat nahi
dinat pasa; nirekin
etorri nahi dun?
Zioen gizonak ahots apalez. Minbiziak
hartua zeukan; gizon azkarra zen, eta bazekien bereak egina zuela.
Aipatzekoa zen gizonaren adorea; lagun zaharrak ziren, eta ez zuen
une bateko zalantzarik ukan; bazekielako egun on bat pasatuko zutela
elkarrekin.
Goizeko hamarretan joan ziren Iruna
kafetegira gosaltzera. Zuriz jantziak, eta painelu gorria lepoan.
Astegun gorrian, ez zegoen Gaztelu enparantzan jende anitzik; hiritik
itzuli lasai bat egin, eta zezen zozketa ikustera joan ziren.
Aperitibo bat hartu ondoren, zezen buztana bazkaltzera: zezen plazara
korrida ikustera joan baina lehen, atseden bat hartzeko Hiru Errege
hotelean xanpain kopa goiti... Biziari topa!
No hay comentarios:
Publicar un comentario