LOREA

Ni ez naiz lore bat

ez naiz lorea bezala zabaltzen

ez eta lorea bezala hersitzen

nere usainak ez du lore artean parekorik.

Harkaitz sendo bat naiz

deskantsurik gabeko lanarekin

emakume bihurtzen ari dena.

Eredurik ez eta

nigan nitasuna moldaturik

haizeak berak ere

mugituko ez duen nortasuna.

Itsas ertzeko harkaitz sendoa

emakume bihurtzen diharduena

heldutasunaren

sendotasuna izango ote?

Ez naiz lore bat

ez naiz inoiz

inoren esku artean zimelduko.

                                                     Amaia Lasa 1971