Egun
batzuk lehenago informazio berri batek, inspektorearen susmoak aldatu
egin zituen. Orabideako bidean baserri batean bizi ziren bi haur,
jostetan basoan sartu ziren, eta harri baten gainean gona-azpiko bat
eta bizkar estalki bat aurkitu zituzten. Pixka bat haratuago,
oinetako bat eta muki zapi bat. Paineluak bi hizki zeuzkan brodatuak.
R.S. Inguruko elorrietan oihal zerrendak non-nahi, lurra basurdeak
muturka aritu izan balira bezala; zuhaixkak eta belarra zanpatuak
borrokaldi baten zantzu. Infernuko Errekara hurbildu ziren haurrak,
eta erreka bazterrean pauso bat egina zegoela ikusi zuten, nondik
pisu handiko zerbait arrastaka eraman zuten seinaleak bistan zeuden.
Hariari
jarraituz, lekuko berriak agertu ziren; Infernuko Errekako jatetxeko
etxekoandreak, igandeko arratsaldeko hiruak aldera bikote bat egon
zela tabernan aitortu zuen; berrogei urte inguruko gizon triste bat
neska gazte batekin; gizonak ardo bat eta neskak kafe esne bat hartu
zutela. Gero basorantz joaten ikusi zituela, eta neskak bizkar
gainean zeraman txala bere amonak garaian zeukan berdina zela, eta
hortaz egiten zela haietaz oroitu...
No hay comentarios:
Publicar un comentario