INAUTEAK

Baztango herrietan hasi dira inautek prestatzen. Nork bertzeak baino mozorro propioagoa asmatzen; mutilak puska eskean, zareto besoan bilduko dituzte txingar puskak, lukainka eta arrautzak gero afalduko dituztenak : haurrak etxez-etxe “urtetxa nahi dugu!” Eske-kantak abestuz gozokiak hartuko dituzte.

Baztan ibaian lamiak dagoeneko dira mozorrotu, aski eskuragarri dituzte gaiak; plastikoa aise, kolore guzietakoa, suntsitzen ez dena, gelditzeko etorria. Aldiz, izokinak eta amuarrainak,ez dute erruteko ibaia igotzen lotsatu egiten direlako. Ez dituzte umeak ur likitsean eta kutsatuan nahi.

Errekak garbitzeko dirurik ez dela erraten dute. Hainbertze behar ote da ba? Ni erreka zaintzaile banintz, neska eta mutilei, hara ze deia eginen niekeen, biltzen duten plastiko kilorako euro bat; larunbata goiz batean apustua eginen nuke bakoitzak berrogeita hamar kilo aise bil zetzakeela.

Eta etxekoandre eta nagusi izaten direnean ez dute hain erraz zikinkeria errekara botako doike!